ТУГАПЛА́ЎКІЯ ГЛІ́НЫ,
асадкавыя тонкадысперсныя горныя пароды. Характарызуюцца вял. колькасцю гліназёму (20—42%), высокімі сувязнымі ўласцівасцямі і пластычнасцю. Маюць полімінеральны састаў і вогнетрываласць 1350—1580 °C. На Беларусі радовішчы Т.г. азёрнага паходжання, палеаген-неагенавага ўзросту (Гарадок, Гарадная, Глінка, Столінскія хутары і інш.) з запасамі да 60 млн. т. Выкарыстоўваюцца ў вытв-сці сценавых і абліцовачных блокаў, каналізацыйных і дрэнажных труб, цэглы, фармовачнага матэрыялу і інш. Гл. таксама Вогнетрывалыя гліны, Гліна, Легкаплаўкія гліны, Неметалічныя карысныя выкапні.
т. 16, с. 22
Беларуская Энцыклапедыя (1996—2004, правапіс да 2008 г., часткова)